धन शिपडायता

- जॉन आगियार

कामळाचेर बसून तुं धन शिपडायता
महालक्ष्मी माये, उदार तुजे मन शिपडायता

भक्तांची प्रिय तुं , शांतीची मूर्त
तुजेंच पासून मेळता माये सगल्या भक्तांक स्फुर्त
तुजे रूप सगळ्यांचे दोळे दीपकायता
कामळाचेर बसून तुं धन शिपडायता
महालक्ष्मी माये, उदार तुजे मन शिपडायता

तू शक्तीशाली माये, जागाचेर तुजी सत्ता
खरी भक्ती कार्ताल्यांची दुकां पयस धाडटा
अंबाबाई महालक्ष्मी तूच सगले धडयता
कामळाचेर बसून तुं धन शिपडायता
महालक्ष्मी माये, उदार तुजे मन शिपडायता

महालक्ष्मी

- जॉन आगियार
ॐ जय लक्ष्मी माये, हांव तुजी बवली,
जंय वता थंय माये तुं म्हजी सावळी
ॐ जय लक्ष्मी माता

उमा राम ब्रह्माणी, तु जगाची गे माता,
माये , तु जगाची गे माता
सूर्य चंद्रमा नारदा वंगडा तुजेच गीत गायता
ॐ जय लक्ष्मी माता.

दुर्गा रूप तुजे तु सुख सम्पति दिता ,
माये सुख सम्पति दिता
तुज्या भक्तांचें वाट्याक माये , रीधी सिद्दी धन येता
ॐ जय लक्ष्मी माता.

ज्या घरात तु रावता माये थंय सुकच सुख जाता
माये सुकच सुख जाता
मन नितळ जाता वायट सगले मिटून वता
ॐ जय लक्ष्मी माता

दामबाबा तु पाव रे

दामबाबा तु पाव रे !

- जॉन आगियार

दामबाबा तु पाव रे !

आमच्या उल्याक धाव रे

राख तु  पावला पावलाक  आमकां

आमच्याच काळजांत राव रे

भक्ताच्या उतरांतल्यान

तूच देवा उलयता

सर्व शक्तिशाली खरो

तूच जग हें चलयता

गरजेवन्तांक आदार करपी

म्हण तुजे नाव रे

दामबाबा तु पाव रे !

आमच्या उल्याक धाव रे

तुजे शांत रूप पळौवन

मनांक मेळटा धादोसकाय

आलतडीन आमचे व्हडे

देवा पलतड़ीन पाय

त्रासांत आसल्यार आमी

देवा फाटल्यान आमच्या राव रे

दामबाबा तु पाव रे !

आमच्या उल्याक धाव रे

शांती दूत

- जॉन आगियार


तूच खरे शांती स्वरूप
तूच शांती दूत
कवळया आमची पुण्या भूमी
अमी तुजे पूत
माये अमी तुजे पूत


रक्षसांक मारून उडौपी तुं
त्रांसांत्ल्यान अमका सोडौपी तु
जगांत शांती घडौपी तु
तुजेच कडे आई पळे
झुळला आमचे सुत


रौद्र रूप धारण करपी
काळी माता तु
रागगीस्ट चंडिके चे शांत रूपय तु
तुजे आनी म्हजे हें नाते गे अतूट
माये नाते गे अतूट.

तूच म्हजी आई

- जॉन आगियार

आवय फाटल्यान म्हाका, तूच म्हजी आई
कळजांत म्हज्या तूच म्हाका जाई

कसल्याय सकटान जर हांव असू
जायना माये खरेच तुज्यान सोसू
राखता म्हाका तू भूर्गया वरी
डोळ्यांत म्हजें तू येउंक दीना आसू
तूच म्हजी भाई अनी तूच म्हजी ताई
आवय फाटल्यान म्हाका तूच म्हजी आई
कळजात म्हज्या तूच म्हाका जाई


जीणेत तूच म्हजो आदार
म्हजेर सदाचं माये असू तुजी नदर
हांव तुकाता सोडचोना,
तूं म्हाका सोडू नाका

तुजोच जाय म्हाका मायेचो पदर
तूच म्हजी शिर्डी अनी तूच म्हजी साई
आवय फाटल्यान म्हाका तूच म्हजी आई
कळजात म्हज्या तूच म्हाका जाई

भक्त तुजो

- जॉन आगियार
भक्ती तुजी केली अमी
तुवे दिली माया
शांतादुर्गे आई तूच महामाया.
तूच महामाया

गार्हाणी घेवून आयल्यात आमी
गीतांनी तीं गायल्यात आमी
आशीर्वाद घाल गे आमचेर
दाखय तुजी दया
शांतादुर्गे आई तूच महामाया.
तूच महामाया

उत्सावाच्या दिसांनी तुजो नौकाविहार
भक्ताचेय व्होडे अशेंच कर गे पार
असुनी माये आमचेर तुजी छत्र च्या
शांतादुर्गे आई तूच महामाया.
तूच महामाया

शांतादुर्गे आई म्हजे

- जॉन आगियार 

शांतादूर्गे  आई म्हजे तुंच शांती दूत

आमी तूज्यो घूवो आनी  पूत

माये आमी तूज्यो घूवो आनी  पूत

दोळे लावून थकलो तुज्या वाटेक

आयलां हाव गे आतां तुज्या भेटेक

आमच्या जीणेतलो काळोख काडून 

उजवाडाची किर्णां म्हज्या काळजांत फाकय

वाट अडल्या  पावला जैताची  दाखय

शांतादूर्गे  आई म्हजे तुंच शांती दूत

आमी तूज्यो घूवो आनी  पूत

माये आमी तूज्यो घूवो आनी  पूत

जगांत शांती घडयल्या गे तूवे

वायटकारांक घालां तूवें दावें

तीन्ही लोकांत कीर्ती तूजी

तूज्याच उजवाडान आमचीं काळजां पेटय

संकटांन पडल्यांत जाल्यार आमकां वाटय

शांतादूर्गे  आई म्हजे तुंच शांती दूत

आमी तूज्यो घूवो आनी  पूत

माये आमी तूज्यो घूवो आनी  पूत

“नाचत नाचत ”

जॉन आगियार

नाचत नाचत यो गणपती
तुजेंच खातीर गायतां आरती

शूर वीर तूं गणाचो राजा
काळजात तूं भल्ला म्हज्या
सौंसार भर पसरल्या तुजी कीर्ती
तुजेंच खातीर गायता आरती

मोदक लाडू खायत यो
हसत नाचत गायत यो
तुजेंच हे आकाश अनी तुजीच धरती
तुजेंच खातीर गायता आरती

“तूच चंद्रमा ”

जॉन आगियार
तू चंद्रमा, तूच सूर्या
तुम करुणेचो दर्या
मोरया मोरया
मंगल मूर्थी मोरया

सुकाची हाड्न ल्हारां
दुख तूं पैस करता
तूं घडौपी तूच घदैता घडयता
भक्ती भावाचो तूं प्रार्थी
चला आरती कोरूया
मोरया मोरया
मंगल मूर्थी मोरया

दुकाचे डोंगर पैस करून
विग्न निवारण तूं करता
तूच अमका म्हरयांत धरता
तुजे गुण गायत गायत
भक्तीची अमी वाट धरया
मोरया मोरया
मंगल मूर्थी मोरया

तुजीच सावली , तुजीच भक्ती
झोळी तुजी सदाचं उक्ती
तूंच आमची खरी शक्ती
तुजें कृपेचें बळार अमी
जीण आमची सारूया
मोरया मोरया
मंगल मूर्थी मोरया

“अमी वासरां ”

-जॉन आगियार
अमी वासरा तूं गा गवळी
हे गणपती
तुजें कृपेची दि अमका सावली

कोणाक तुवे वरदान दिलां
कोणाक ध्यान दिलां
सगल्यांक दिल्या खुशालकाय
कोरून तुजी झोळी खाली
हे गणपती
तुजें कृपेची दि अमका सावली

घरा घरांनी जाता पूजा
तूच गा सगळ्यांचो राजा
म्हाका विसरलां तुज्यांत रमलां
तुजीच भक्तीची चावी गावली
हे गणपती
तुजें कृपेची दि अमका सावली

--


- जॉन आगियार