वार्या वंगडा धूल्लान लोयळा
खेळ खेळ खेयळा
आतां तें पावसाच्या थेम्ब्यानी
चिप्प भीजतले,
मन भरून न्हातले
सुर्या वतान आपले आंग सुकयतले
आनी रतचे.......
चा
न्याक घेवन ओग्गी न्हीद्तले
म्हजें आंगण............
Sunday, February 19, 2012
गीत
- जॉन आगियार
फोन: ९८२२१५९७०५
गीत हाव गायतां
गीत मोगाचें गायतां
म्हजे दोळे धापल्यार लेगीत
सपनात
तुकाच पळयतां
म्हज्याच चित्रातली कल्पना
म्हाकाच भूलौन गेली
म्हजी कलाकृती उलौन गेली
चित्र अर्धकुटे
पुराय पितरतां
दोळे म्हजे दोोळे धापल्यार लेगीत
सपनांत तुकाच पळयतां
सपनांतल्या फुला तुका
पयस दवरप जमना
घ तुका आता रोप्या वरीं
काळजातच रोयतां
म्हजे दोळे धापल्यार लेगीत
सपनांत
तुकाच पळयतां
सुलूस
खूब उबगवलां मन
कायच जायना सहन
निर्शेवणेंन हाव उल्ला
बेड्यांनी हाव भल्ला
सुन्न जाल्या हि कुड
म्होजो हाव ना भानार
पैस्ल्यान आवाज पडतात कानार
फुटक्या नळ्यान्ल्यान एक किरण
वाट काडीत येता...
म्हज्या डोळ्या मरेन, म्हज्या कळजा मरेन
केदना केदना लागता सुलूस
ऋतु बदलपाची ......
जीविताच्या बागेंत
जीविताच्या बागेंत परमळ सूटला
मनात म्हज्या आकुर फुटला
आज हि झाडां म्हजे लागी उलयतात
सावण्याची भिरी काळजाक धोलयतात
तरणे जिणेचो सांगात भेटला
जीविताच्या बागेंत परमळ सूटला
आज हें मन म्हजे खोशेन भारलां
भुर्गेपण आतां फाटल्यान उरलां
दिसता म्हाका हाव सपनातलो उटला
जीविताच्या बागेंत परमळ सूटला
आज हि सवणी गीतां गायतात
दर्या ल्हारां सूर मेळयतात
गोळो म्होजो आज खोश्येन दाटला
जीविताच्या बागेंत परमळ सूटला
थेम्बो
दर्याचो....
दर्याक सोडुन वयर गेलों
कूपांक मेयळो
नाचलो , उडलो
गडगडलों...
खूब खेळ खेळलों
आता परत सकल देवलां
शेणील्या भूर्गया वरी
परत दर्याक गावलां.
हारसो
म्हजो हारसो
जाणे इतलो तेप
म्हजी सेवा केली
हळू हळू म्हजेर रुसला
म्हजे रूप दाखयत, दाखयत
तो म्हजे वरी जाणट्तो जाला
आता तो म्हाका वळखना
आतां ताका म्हजे रूप
...... सरके झळकना
देखून आतां म्हज्या हर्श्यक
नवे रंग भारुंक जाय
ताका तरणो करुक जाय
म्हजें वरी...
Subscribe to:
Posts (Atom)